Silkroad HEX

تحميل الاداة iTools 1.4 بمميزات قويه و شرح كامل

السلام عليكم , النهارده معايا اداة فعاله جدا و مهمه جدا و اكيد حتحتاجها فى اللعبه اداة iTools ver 1.4.1 , الاداة دى معروفه جدا و فيها مميزات مش موجوده فى معظم البرامج والادوات التانيه , اداه قويه جدا , وممكن تعمل اى شئ تقريبا وامنه 100% حنشوف مع بعض ازاى لكن ندخل على التحميل الاول .

- ده رابط التحميل من الميديا فاير : Download Now .

- ده رابط السكان الاداة نظيفه بدون اى فيروسات : TotalScan Result .

مميزات الاداة iTools :

1 - ضغط المفاتيح (Key Presser) : ممكن تخليها تضغط على اى مفاتيح عندك فى الكيبورد اوتوماتيك , عدد غير محدد .

2 - ضغط الماوس (Mouse Clicker) : تقدر تخليها تضغط كليك بالماوس , بعدد غير محدود من الضغطات .

3 - كتابه نص (Spam Text) : تكتب نص و تكرره كل عدد ثوانى انت بتحددها , تستخدمه فى البيع فى المدينه او غيره .

4 - اغلاق آلى(Auto Shutdown) : تقفل الجهاز لوحدها فى الوقت اللى انت تحدده .

5 - اخفاء و اظهار (Hide & Show) : ممكن تخفى اللعبه و هى شغاله و تظهرها تانى من خلال الاداة .

6 - تغير حجم الشاشه (Resize Client) : تقدر تغير حجم اللعبه و موجود فيها كل الاحجام تقريبا , تختار اللى يناسبك منها .

7 - قتل اللعبه (Kill Client) : والمقصود ان ممكن تقفل اللعبه بسرعه فى ضغطه واحده .

8 - تاكسى تايمر (Countdown Timer) : دة تايمر للناس اللى بتعمل تانى علشان fتعمل تاكسى محترم تحتاج الاداة دى بتحسب وقت اللاعبين اللى فى التاكسى معاك و بتنبهك لما وقت اى حد منهم يخلص .

9 - الاداة بتشتغل مع اى سيرفر Silkroad و بتشتغل على اى نظام تشغيل من نسخ الويندوز .

شرح الاداة iTools :

1. Key Presser

زى ما هو واضح كده دة شكل الاداة لما تفتحها طبعا لما نختار كيبورد بتظهر الاعدادات دى و هى كالتالى :

1- المفتاح اللى عاوز الاداة تكرره , ممكن يكون رقم او حرف .
2- عدد الثوانى للضغطه الزر , تكتب الثوانى و تضغط Add .
3- دى قايمه المفاتيح اللى انت اخترتها بالترتيب .
4- لما تخلص من الاختيار بتعمل بتضغط Ok .

2. Mouse Clicker

3. Text Spam

1- مكان كتابه النص .
2- عدد الثوانى لتكرار كل نص فى القائمه .
3- قائمه النصوص .
4- بعد ما تنتهى من الاعداد اضغط على Ok .

4. Auto Shutdown your PC .

1- بتضغط على Shutdown Timer بعدين Set بتظهرلك قائمه صغير تكتب فيها وقت ايقاف التشغيل اللى انت عاوزه .

5. القائمه الفرعيه .

1- تغيير اسم الكلينت المفتوح .
2- اظهار اللعبه .
3- اخفاء اللعبه .
4- تنزيل اللعبه فى الشريط الويندوز اللى تحت .
5- قتل الكلينت .
6- تغير ابعاد اللعبه , تقدر تختار الحجم المناسب ليك .

6. Taxi Timer .

1- هنا تكتب اسم الاعب الموجود معاك فى التاكسى .

2- عدد الساعات اللى الاعب محتاجها .
3- دة الوقت الباقى للاعب .

4- اضغط Start علشان تبدأ الاداة بحساب الوقت .
5- دى تقدر تضيف اى صوت او نغمه من الجهاز عندك علشان الاداة تنبهك لما حد من البارتى بتاعك يخلص وقته. لما تخلص اضغط Ok .

ولحد هنا شرح الاداة انتهى , اتمنى انها تعجبكم

كويست الشنطه (1) كامله بالصور للشخصيات الصينى و الاوربى.

النهارده حشرح كويست الشنطه انا عارف ان الموضوع قديم و كتير اوى عارفين كل حاجه عنه لكن انا فى Silkroad يوميا و بشوف مبتدئين كتير ميعرفوش حاجه عن اللعبه لذلك الشرح حيكون بتفاصيل كتير عن مهمه الحقيبه 1 , نبدأ على البركه.

مهمه الشنطه 1 - Inventory Expansion 1 Quest لفتح 10 خانات اضافه للحقيبه

المهمه دى عباره عن تجميع 10 كويست من الوحوش خارج المدينه وبناخدها من Grocery Shop فى المدينه الاولى اللى بتنزل فيها فى بدايه اللعبه يعنى لو كنت الشخصيه صينى يبقى تاخد الكويست من Jangan و لو كنت اروبى يبقى من Constantinople ندخل فى التفصيل اكتر وبالصور .

بالنسبه للاوربى Euro .

- اكيد حتكون فى مدينة Constantinople .
- تروح عند Grocery Trader Bajel و دة مكانها فى المدينة .

- ندخل عندها ونختار اول اختيار Talk to this person (طبعا دى بناخد منها اى كويست فى اللعبه ) .

- نختار الكويست بتاعتنا اسمها Inventory Expansion 1(Europe) .

- وبعد كده نضغط اول وحده Accept يعنى الموافقه على الكويست, نروح نجمع 10 كويست اسمهم Movoi's Grass من الوحوش مستوى 2 خارج المدينة, ودة مكانهم اللى لونه اصفر على الخريطه .

- وادى شكل الوحش و اسمه Movoi level 2 تحس انه Cute اوى :) .

- طبعا بتهاجم الوحوش دى و حتلاقى كويست لونها ازرق المطلوب تجميع 10 منها و دى صور الكويست لما تنزل من الوحوش و شكلها فى الحقيبه بتاعتك لما تجمعها .

- بمجرد انك بتجمع 10 ترجع عند Grocery Trader Bajel تانى و تتكلم معاها وتضغط اول واحده بعد كده Receive reward .

- بلاقى اتفتحت الحقيبه بتاعتك 10 خانات زيادة و بقى اسمها Page 2 والف مبروك عملت اول كويست ليك فى اللعبه .

انا عارف ان الموضوع بسيط و مش محتاج مهرجان الصور دى كلها لكن حبيت أن اكون دقيق شويا علشان اكيد اللى حيشوف الموضوع دة ناس جديده فى اللعبه Silkroad و ممكن تتوه لو الشرح كلام بس , عموما فاضل شرح الكويست دى بالنسبه للصينى و انا حختصر شويا لكن هى نفس الخطوات لكن بأختلاف الاماكن و حنشوف ازاى .

بالنسبه للصينى Chines :

- طبعا حتكون فى مدينه Jangan و تروح عند Grocery Shop باردو ودة مكانها على الخريطه .

- تتكلم مع التاجر و تاخد الكويست واسمها Inventory Expansion 1 (China) .

- دلوقتى تروح تهاجم وحوش مستوى 1 خارج المدينه و اسمهم Mangyang و دى وحوش معوقه دة شكلهم .

- ودة مكانهم خارج مدينه Jangan .

- شكل الكويست فى الصفحه وانت بتجمعها .

- طبعا لما تجمع 10 كويست بترجع تانى من مكان ما اخد الكويست فى مدينه Jangan و تسلمها وتتفتحلك الشنطه 10 خانات زيادة .

كده الشرح انتهى ارجو انه يكون قدم اى افادة , طبعا لو فى استفسار عن اى شئ يخص اللعبه متترددش و اسأل فى التعليقات او اترك لنا سؤالك فى الاستفسارات , احنا لسه فى بدايه موقع SilkroadHex و الشرح دة كان تمهيدى للشروحات القادمه, شكرا على المتابعه .